تم اعلان الحرب...ادخل وشارك

- عدد المساهمات : 126 تاريخ التسجيل : 25/09/2009

السلام عليكم ورحمة الله وبركاته

بسم الله والحمدلله والصلاة والسلام على رسول الله خير الخلق والرسل ...
اصطفاه الله من بنى البشر هاديا وبشيرا وداعيا الى الله باذنه ... نشهد يا
ربنا انه قد بلغ الرسالة وادى الامانة ونصح الامة وكشم الغمة وتركنا على
المحجة البيضاء ليلها كنهارها لا يزيغ عنها الا هالك.. اللهم كما آمنا به
ولم نره فاجمعنا به يوم القيامة فى جنة الخلد .. امين ..

الحرب اللى هنتكلم عنها احنا فيها اوقات ظالمين واوقات مضحوك علينا
ولنا فيها اعداء واصدقاء
وفى اللى بيمكر بينا ...واحنا كمان بنمكر وبنخالف ...

ومع ذلك فى حكماء بينصحونا بالصح وفينا بيسمع وفينا بيكبر دماغه ..

لازم نعرف ان الحرب دى قدامنا فها خصوم كتير واقوياء .... بس احنا جدعان اوى بالصلاة على النبى..

الاول علشان نمشى صح .. لازم نعرف مين اعدائنا علشان نعلن الحرب عليهم ...

اكبر عدوين فى الحرب دى ...

* الشيطان ... وده حاليا خلصنا منه بفضل الله ... سلست الشياطين يعنى عدو كبير خلصنا منه ومش هنعمل حسابه دلوقتى فى الحرب.

* النفس .. ايوا نفسنا البشريه اللى غالبا بتأمرنا بالسوء الايام دى ..
دى هنتغلب عليها ازاي وهي العدو الاكبر حاليا؟!..

دى سهله ان شاء الله .. اهم شيء علشان نتغلب عليها هى
الصلاة وبكثرة يعنى نصلى الصلوات كلها ونصلى التراويح حتى.. واللى عنده
زياده يبقى قشطه وعسل..

الكلام ده من عندك يا عمنا ولا انت جربت ولا ايه ظروفك علشان دى حرب ومش هنقعد نغى يمكن نلاقى قذيفة - قصدى ذنب - هجم علينا..

لا مفتح ياض وبتسأل يعنى...

ده بنص حديث رسول الله صلى الله عليه وسلم ( حدثنا
‏ ‏أبو عمار ‏ ‏حدثنا ‏ ‏الوليد ‏ ‏قال ‏ ‏و حدثنا ‏ ‏أبو محمد رجاء ‏
‏قال حدثنا ‏ ‏الوليد بن مسلم ‏ ‏عن ‏ ‏الأوزاعي ‏ ‏قال حدثني ‏ ‏الوليد
بن هشام المعيطي ‏ ‏قال حدثني ‏ ‏معدان بن طلحة اليعمري ‏ ‏قال ‏
‏لقيت ‏ ‏ثوبان ‏ ‏مولى رسول الله ‏ ‏صلى الله عليه وسلم ‏ ‏فقلت له دلني
على عمل ينفعني الله به ويدخلني الجنة فسكت عني ‏ ‏مليا ‏ ‏ثم التفت إلي
فقال عليك بالسجود فإني سمعت رسول الله ‏ ‏صلى الله عليه وسلم ‏ ‏يقول ‏
‏ما من عبد يسجد لله سجدة إلا رفعه الله بها درجة ‏ ‏وحط ‏ ‏عنه بها خطيئة )...

تمام وايه كمان وانجز علشان اتخنقت منك ... الحال من بعضه..

خلصنا من النفس.. اه خلصنا ..

ندخل على العوامل الخارجيه .. يعنى بنشوف واحده عريانه او لبسها مش كويس ..

ودى هعملها ايه يعنى ؟

متعملهاش يا لمض ... متبصلهاش وقول انى صائم انى صائم ... ومتنساش
النظرة الاولى فقط اللى لك .. يعنى مش بتاخد عليها ذنب واللى بعدها حرام
...

اشطه ...

لا مش اشطه شكلك سوسه .. النظره الاولى يعنى جات فجأه بتبص لقيت حاجه قدامك .. تدور وشك علطول ..

مش هطول عليك ..

ياريت ..

هي حرب على الذنوب وبما انها حرب على الذنوب فيستحسن فيها الاباده .. يعنى منسيبش ولا ذنب فى حياتها ...

ايون اهو كده احبك .. ازاي بقى؟

اقولك يا حبيبى ... طبعا عارفين ان الحسنات بتذهب السيئات ..يعنى لما تعمل حسنات كتير بتدوب سيئاتك وتتمسح ذنوبك ..

ميه ميه ..

استنى ياعم .. كمان الاستغفار كل مره تستغفر فيها بتمسح ذنب ..

والرسول صلى الله عليه وسلم كان بيستغفر الله فى اليوم سبعين مره وفى رواية مائة مره..

متنحليش كده .. مش كتير .. ده لو بتتمشى دقيقتين هتقولهم وزياده..

ماشى ياعم مقلناش حاجه..

اقوم امشى بقى علشان استغفر دقيقتين؟

ده انت رخم رخامه يا جدع ...

اخر حاجه هقولهالك وتخفى من قدامى ...

التوبة .. الانسان اذا تاب تغفر كل خطاياه اللى فاتت ..

دى حلوه اوى ..

استنى ده مش بس كده .. ده كمان لو تاب بتتبدل ذنوبه لحسنات ..

يعنى ال 14 مليون و 131 ذنب اللى عندك هيتحولو لحسنات والحسنه بعشره.. احسبها انت ...

واخيرا يا جماعه احنا فى رمضان قدامنا فرص كتير
للطاعات وفرص للبعد عن المنكرات ياريت نستثمرها ونعلنها حرب فعلا على
اعدائنا سواء شيطان ولا نفس اماره بالسوء ولا اي حاجه وحشه ممكن تبعدنا عن
ربنا ...

اللهم اعنا على فعل الخيرات والصبر على الطاعات وترك المنكرات ... اللهم امين

فى امان الله

آميييييييييييييييييييييين
جزاك الله الجنة

آميييييييييييييييييييييين
جزاك الله الجنة

» الحرب الطائرة فى عالم قهر http://qahr.91.com/
» بتعرف تصمم ....؟؟؟ ادخل هنا
» الانتقااااااااام ادخل وشاركنا رأيك
» رمضان كريم (ادخل واكسب جر عظيم) وصدقني ما راح تخسـر